جهز نفسك للإمتحان بالطريقة الصح

عشان تنجح فى الامتحان لازم تعد وتجهز نفسك صح ودى الطريقة المضمونة ان شاء الله

1-لازم تدور على المكان المناسب المريح والهادى عشان تزاكر فيه وكمان تحط كتبك وادواتك بعيد عن الاطفال

2-لازم لازم تراجع كليوم دروسك وحط بالضبط ساعة واحدة لكل مادة ولو خلصت الساعة وانت لسة فى نفس المادة سيبها وادخل على المادة اللى بعدها

3-راجع اولا باول واوعى تسيب اى مادة لاخر شهر او اسبوع او حتى لليلة الامتحان

4-ابتعد تماما عن الشاى والمشروبات الغازية لانها بتزيد من نسبة السكر فىالدم وبالتالى هتزود عصبيتك ونام كويس جدا جدا لان جسمك لازم يرتاح وكمان فى النوم هتهدى اعصابك وهتبعد عن التوتر

5-كل اما تخلص مراجعة مادة(يعنى كل ساعة)خد خمس دقائق بالظبط بريك للراحة دا هيساعدك على التركيز اكتر

6-التمرينات الرياضية مهمة ومفيدة جدا يعنى عشرين دقيقة بالظبط متقسمة فى اليوم للرياضة مشى جرى تمارين خفيفة دا هيساعدك على الاسترخاء والراحة

7-لازم ليلة الامتحان تنام بدرى جدا وابتعد تماما عن السهر او النوم المتاخر لان دا هيتعبك يوم الامتحان

8-جهز ادوات الامتحان وحضر بالدل القلم الواحد اتنين وتلاتة من كل حاجة احتياطى لاى موقف طارئ

9-لازم تفطر الصبح قبل ما تنزل الامتحان لان لو حسيت بالجوع فى الامتحان دا هيقلل ويشتت تركيزك

10-قبل ما تدخل اللجنة كن واثق جدا جدا من نفسك ومن اجباتك ومن انك عملت اللى عليك

11-لو قلقان انك تتاخر على الامتحان اصحى بدرى وروح بدرى لان المواصلات والمرور هتبقى صعبة الصبح

12-خد معاك فى الامتحان ستوب واتش او ساعة عادية وخلى لكل سؤال فترة اجابة عشرة دقائق فقط ولو فى سؤال صعب سيبه للاخر لان دا الافضل

13-تذكر دائما انك ستظل فترة كبيرة فى الامتحان فلازم تلبس ملابس وحذاء مريح

14- كمان ادخل الحمام قبل اللجنة عشان متطرش ان تروح فى وسط الامتحان

15- لو انت من النوع العصبى اثناء الامتحان اشرب كوب ماء قبل الامتحان دا هيخليك اهدا

16- متقفش الصبح مع تجمعات مع صحابك لان اى حد متوتر هينقلك توتره تماما وهضيع كل اللى عملته وكمان متقفش مع الناس اللى تعد تقول لك انا متوتر انا قلقان انا مزكرتش لان دا هيخليك عصبى اكتر واكتر بالاضافة ان الناس اللى بتقول كدا بتبقى احيانا هى اكتر ناس مزاكرة

17-اقرا الاسئلة بحرص تام ولازم تقرا اتعليمات السؤال كويس جدا وظبط ورقتك الاول قبل الاجابة

18- اخيرا حاول انك تخلص الاجابات كلها ومتحاولش تعد فترة طويلة فى الاجابة عن سؤال دا هيسرق منك الوقت وهيضيعه

منقول للإفادة

مع خالص تمنياتى القلبية بالنجاح والتفوق لجميع الطلبة

وفقكم الله لما يحب ويرضى

شكرا على الموضوع

الشكر لله

شكرا لمرورك

» ارسم نفسك...................
» متى تبكى على نفسك ؟؟
» فى رمضان تخيل نفسك كمبيوتر
» شوف عيوب نفسك الاول
» إذا خاطبتك نفسك وقالت: