إسلام أحمد
عــضـو مــــاســى
عدد الرسائل : 4147
العمر : 39
تاريخ التسجيل : 10/01/2011
 |  موضوع: حوار مع مواطن مصرى دمه خفيف الثلاثاء يونيو 14, 2011 5:27 pm | |
|
# هل لك أقارب استشهدوا فى الحرب؟
-لأ.. عندى أقارب استشهدوا فى السلام.. "العّبارة السلام 98" طبعاً.
# ما وجه الشبه بين السد العالى وأمن الدولــة؟
- الإثنان مصدر "للكهرباء"!!!
# لماذا يطلق المصريون على زوجاتهم لقب "الحكومة"؟
- لصعوبة تغييرها مهما تسببت فى كوارث.
# أين يمكنك أن تلاحظ سوء نية المصريين؟
- عندما يغنون للطفل البريء بمنتهى الخبث قائلين.. "يا رب يا ربنا - تكبر وتبقى زينا".
# إمتى بتحس إن البلد حلوة؟
- ما بأحسش إن بلدنا حلوة غير لما داليدا بتقول: "حلوة يا بلدى"... بغض النظر إنها قالتها وانتحرت!!!
# تقرير: 60% من الرجال المصريين بـ"يشَخَّروا" وهم نائمون.. ما تعليقك؟
- الـ40% الباقيين بـ"يشخُروا" وهما صاحيين.
# ما الفرق الأهم بين مصر وأمريكا؟
- الفرق الأهم إن عائد السياحة من الهرم المزيف الموجود فى لاس فيجاس مائة ضعف عائد السياحة من الهرم الحقيقى فى الجيزة.
# ما أهم قاعدة موجودة في مصر؟
- إن مفيش قاعدة لأى حاجة..
# بماذا ستجيب كمصرى عند سؤالك عن عمرك فيما أفنيته بعد عمر طويل؟
- أفنيته فى إشارة قصر النيل مستنيها تفتح، وفى صلاح سالم مستنيه يتحرك، وعلى كوبري أكتوبر مستنى لما رئيس الوزراء يروح بيته.
# من المستفيد من الزحام الذى يسيطر على شوارع القاهرة؟
- شركات المحمول.. كله واقف فى الإشارة ماسك الموبايل بيخلص شغل أو بيعتذر عن التأخير أو بيسلى نفسه على الأقل، وبالتالى تعتبر الإدارة العامة للمرور هى المستفيد الثانى من مخالفات استخدام المحمول أثناء القيادة.
# ما الفرق بين الزوجة المصرية والزوجة اللبنانية؟
- 40 كيلو جرام
س: هل صحيح إن كُتر السلام يقل المعرفة؟
ج: صحيح فيما عدا السلام مع إسرائيل، كُتر السلام معها يعمق المعرفة والبيزنس..
س: ليه القانون لا يحمي المغفلين؟
ج: علشان يوفر فرص عمل للبلطجية.
س: لماذا تحاول الحكومة المصرية إلغاء مجانية التعليم؟
ج: علشان ماحدش بيتعلم ببلاش.
س: القيادة السياسية تدرس مع القادة العرب فرص إحياء عملية السلام... ما تعليقك؟
ج: أهي دي بالذات حاجة ماحدش يقدر يحييها غير اللي خلقها.
س: ليه سموها بلاد بره؟
ج: علشان بلاد (باره) بأولادها.
.
س: إيه المشكلة في كتابة التاريخ عندنا؟
ج: المشكلة أننا بنكتب التاريخ بنفس الطريقة اللي بنربي بيها أولادنا.. مابنقولهمش الحقيقة، بنقولهم اللي إحنا عايزنهم يعرفوه.
س: 45% من المصريين مصابون بمرض السكر.. ما تعليقك؟
ج: آدي اللي خدناه من (الحلواني) اللي بني مصر.
س: ما تعليقك علي أن 65% من الشباب حاليًا لا يمانع في الزواج من امرأة مطلقة؟
ج: لا شيء يفوق الخبرة.
س:ليه فيه ناس هتروح النار؟
ج: علشان الزبالة بعد ما بتتلم لازم تتحرق..
س: ما هي المسلسلات العربية؟
ج: هي الضلع الذي حول مثلث (الجهل والفقر والمرض) إلي مربع.
س: لمن ستتبرع بأعضائك عند وفاتك؟
ج: أنا شخصيًّا سأتبرع بجسدي كله لأبحاث الخيال العلمي.
س: ما تعليقك علي أن المصريين لا يتحدون إلا لما يكون المنتخب بيلعب؟
ج: الاستاد هو الحل.
س: ما الدليل علي أن مصر بلد الأمان؟
ج: الدليل إن الواحد بيتردد كتير قبل ما يدخل أي قسم شرطة.
س: ما رأيك في خط خدمة تفسير الأحلام؟
ج: هيكون أحسن لو فيه خط خدمة تفسير الواقع.
س: بما تنصح أي طفل عندما يجد أباه وأمه (متخانقين)؟
ج: أنصحه بـ (إوعي تدي راسك لماما علشان تسرّحها).
س: إيه الكلمة اللي ماتحبش تسمعها وأنت في أوضة العمليات؟
ج:يا خسارة.
.
س: اذكر اسم شخصية عامة معروفة مابتكبرش أبدًا!
ج: بكار ..
س: ما الصفة التي مازالت أصيلة في المصريين منذ عهد الفراعنة؟
ج: حب الخلود.. وهو ما يبرر أن عدد أسماء الأحياء في صفحات الوفيات أكثر بكثير من عدد أسماء المتوفين.
س: بالرغم من أن مجتمعنا مليء بالنماذج الجيدة فإنهم غير قادرين علي تغيير المجتمع الذي يعيشون فيه.. ما تعليقك؟
ج: بالضبط مثلما فشل الإسفنج في امتصاص ماء البحر الذي يعيش فيه.. الموضوع محتاج معجزة.
س: ما الفرق بين الغناء زمان والغناء دلوقتي؟
ج: الفرق بين الغنا زمان والغنا دلوقتي زي الفرق بين أمير الشعراء وأمير طعيمة.
س: عرف الحصانة؟
ج: شهادة تعفيك من المساءلة القانونية بالضبط مثل شهادة معاملة الأطفال.
س: ما الفرق بين القدر والحظ والنصيب؟
ج: القدر أن تجد الحب، والحظ أن تتزوج ممن تحب، والنصيب أن تؤمن بعد فترة أن (الحب حاجة والجواز حاجة تانية).
س: ما الفرق بين أم كلثوم وفيروز؟
ج: الفرق بين أم كلثوم وفيروز هو الفرق بين الخلفية الموسيقية لقصة الحب، وقصة الحب نفسها.
س: عرف المدن الجديدة؟!
ج: المدن الجديدة هي كيس الجلوكوز الذي يتم تعليقة قريبًا من جسد المريض.
س: ما الوفاة الإكلينيكية؟
ج: هي اللحظة التي تتحول فيها في عيون زوجتك من (ذكر) المنزل إلي (لا والله الحاج لسه نايم).
س: إيه أحلي حاجة في الفلوس؟
ج: إنها بتخليك تستغني عن الناس.
س: لماذا يشعر المصري بكل هذه البهجة عندما يتناول طبق (أم علي)؟
ج: هي البهجة نفسها عندما يستمتع أحد آكلي لحوم البشر بأكل ممثل كوميدي.
س: عرف مهنة المأذون؟
ج: المأذون ضابط مرور مهمته أن يجعل حياة الرجل (اتجاهًا واحدًا).
س: عرف الديمقراطية؟
ج: الديمقراطية أن تشتري التليفزيون الذي تختاره زوجتك بشرط أن تجعل الريموت كنترول في يدك طول الوقت.
س: عرف العزوبية؟
ج: العزوبية هي (العذاب) الذي لا يعرف الرجل قيمته إلا بعد أن يتزوج.
س: ما النزاهة من وجهة نظرك؟
ج: النزاهة .. أن تسرق و(ماتتمسكش).
س: من هم شباب الخريجين؟
ج: شباب الخريجين هم الشباب الذين خرجوا و(ماعرفوش يدخلوا تاني).
س: عرف التطبيع؟
ج: أن تصنع علاقة طبيعية مع (واحد مش طبيعي).
س: ما هو الفكر الجديد؟
ج: مجرد remix حيث يتم عزف اللحن القديم نفسه ولكن بآلات جديدة.
س: عرف مجلس الشعب؟
ج: هو مسرح يجلس فيه المُلقن بالعكس، ويقوم فيه الممثلون بالتصفيق لأن الجمهور غير مهتم.
س: ما الفئة التي تستحق أعلي رواتب في البلد؟
ج: فئة عمال النظافة طبعا لأنهم يعملون في بلد (عايزة الكنس).
س:إمتي هناكل جوافة من إنتاج مزارع توشكي؟!
ج: المفتي قال: الجوافة حرام.
| |
|
إسلام أحمد
عــضـو مــــاســى
عدد الرسائل : 4147
العمر : 39
تاريخ التسجيل : 10/01/2011
| | موضوع: رد: حوار مع مواطن مصرى دمه خفيف الثلاثاء يونيو 14, 2011 5:33 pm | |
| | |
|
لا تسألنى من أنا
عضو فعال
عدد الرسائل : 225
العمر : 26
تاريخ التسجيل : 11/04/2011
| | موضوع: رد: حوار مع مواطن مصرى دمه خفيف الأربعاء يونيو 15, 2011 3:23 am | |
| | |
|
medo.webas
مـــــشــــــــرف
عدد الرسائل : 2919
العمر : 26
الموقع : إن مشقة الطاعة تذهب ويبقى ثوابها وإن لذة المعاصي تذهب ويبقى عقابها .
المزاج : فلتكن التقوي نور عينيك وجلاء قلبك.
تاريخ التسجيل : 03/01/2011
| | موضوع: رد: حوار مع مواطن مصرى دمه خفيف الأربعاء يونيو 15, 2011 11:57 am | |
| مشكووووووووووووووووووووووووووووووووور | |
|
ويندى
عضو مميز
عدد الرسائل : 445
العمر : 27
الموقع : sea life
المزاج : حلوة الدنيا
تاريخ التسجيل : 25/05/2010
| | موضوع: رد: حوار مع مواطن مصرى دمه خفيف الأربعاء يونيو 15, 2011 12:13 pm | |
| شكرا على الموضوع
فى انتظار جديدك | |
|
إسلام أحمد
عــضـو مــــاســى
عدد الرسائل : 4147
العمر : 39
تاريخ التسجيل : 10/01/2011
| | موضوع: رد: حوار مع مواطن مصرى دمه خفيف السبت يونيو 18, 2011 3:20 pm | |
| | |
|
هوجو
عضو مميز
عدد الرسائل : 427
العمر : 28
المزاج : ماشى الحال
تاريخ التسجيل : 30/04/2011
| | موضوع: رد: حوار مع مواطن مصرى دمه خفيف السبت يونيو 18, 2011 11:12 pm | |
| مشكووووووووور جدا يا عفرتو وجزاك الله خيرا | |
|
إسلام أحمد
عــضـو مــــاســى
عدد الرسائل : 4147
العمر : 39
تاريخ التسجيل : 10/01/2011
| | موضوع: رد: حوار مع مواطن مصرى دمه خفيف الأحد يونيو 19, 2011 12:02 am | |
| | |
|
