انا عملت الموضوع ده مخصوص لان ليا زميلة دايما الاقيها بتتكلم عن مصر وانها بتحبها ومش بتقبل اى انتقادات عليها وفى نفس الوقت ليا زميلات تانيين عاشو بره فترة وراجعين مش عايزين يعدو فى البلد دى
الاتنين مصريين والاتنين اتولدو وعاشوفى مصر
بس الاولى بتحب البلد جدا وممكن تضحى باى حاجة فى سبيلها والتانية مابتحبش البلد ونفسها تسيبها وتعيش بره
انا بس عايزة اللى يدخل التوبيك ده يقولى هو بيحب مصر ؟ طب ليه ؟
بس عشان انت اتولدت فيها ودى بلدك والكلمتين دول ؟
طيب لو بتحبها ايه مظاهر حبك ليها بتعمل ايه علشانها ؟
وياترى ممكن فعلا تضحى بنفسك عشانها؟
طب لما تتخرج مثلا مش بتفكر انك تسيبها وتروح تشتغل وتعيش بره لو جاتلك فرصة كويسة ؟
طيب انت شايف انك مدى البلد دى حقها ولا مقصر؟
وشايف انك واخد حقك ولا مظلوم ؟
ياريت نشارك كلنا
موضوع: بتحب مصر........طب ليه 
